Bitxikeriak

Hona hemen entzumenaren inguruko zenbait bitxikeria:

• Itsasontzian zoazenean marea zaitezke. Hori entzumenak garunari informazioa pasatzen diolako gertatzen da: entzumenak esaten du mugitzen ari zarela baina zure begiek kontrakoa adierazten dute.
• Bueltaka hasi eta bat-batean gelditzen bazara, zure entzumenari ez dio denbora ematen garunari mezu hori bidaltzera eta mareatua sentitzen zara.
• Gimnastak mugimenduak behin eta berriz errepikatzen dituztelako ez dira mareatzen, eta, horrela, garuna mugimendu horietara ohitzen dute.

• Haurrek helduek baino entzumen sentiberagoa dute.
• Zenbait animaliek entzumena ezohiko lekuetan daukate. Kilkerrek, esate baterako, aurreko hanketan daukate eta matxinsaltoek, berriz, gorputzaren alde banatan.

• Estribua gizakiok dugun hezurrik txikiena da, 2,6 mm-ko tamaina dauka.
• Soinuen bolumena dezibeletan (dB) neurtzen da. 90 dB-tik gorako soinuek buruko mina sor dezakete eta 130 dB-tik gorakoek, berriz, tinpanoa hautsi dezakete.

• Itsas-maskorra belarrian jartzen dugunean ez dugu itsasoa entzuten, entzumen-sistematik pasatzen den odol-ponpeoaren taupada-oihartzuna baizik.
• Ezkoa (belarri barruko argizaria) entzumen barruko guruinek sortzen dute. Ezko horrek tinpanoa hautsatik eta zikinkeriatik babesten du. Gainera, ezkoaren usain fuerteak intsektuak barrura sar daitezen saihesten du.
• Animalia batzuek entzumen izugarri sentikorra daukate. Txakurrek, esate baterako, goi-fidelitateko entzumena dute eta gizakiaren entzumenak entzun ezin dituen soinuak entzun ditzakete.
• Hegazkinera igotzean belarriak tapona ez daitezen txiklea mastekatzea komenigarria da. Masailezurreko mugimenduek Eustakioren tronpak irekitzen dituzte. Horrek erdiko belarria eta barne-belarriko presioa berdintzen laguntzen du.