Talde-dinamika

Dastamenarekin jolasean. Talde-dinamika honetan zenbait elikagai dastamenarekin bakarrik identifikatzen saiatuko gara.

• Adina. 8 urtetik aurrera, hala ere, adin guztietako haurrak jolasteko jokoa da hau. Parte-hartzaileen adin eta ezaugarrietara egokitu behar da jolasa.
• Lekua. Edonon.
• Beharrezko materiala:
• Begiak estaltzeko zapiak.
• Elikagaiak aurkezteko platerak.
• Dastatzeko elikagaiak, hala nola, frutak (limoi, sagar, pina...), urdaiazpikoa, ozpina, tipulak, baratzuria, gozokiak, txokolatea...
• Antolakuntza. Gelakideak bi taldetan banatuko dira. Talde batek elikagaiak prestatuko ditu eta beste taldea gelatik kanpora geldituko da antolaketa ikus ez dezan.
• Jolasaren azalpena
• Lehenik eta behin, jolaserako beharrezkoa den materiala prestatuko dugu. Horretarako, elikagai bakoitzaren zati bat plater batean jarri eta bakoitzari zenbaki bat emango diogu.
• Dena prest dagoenean, bigarren taldeko kide bakoitzari begiak estali eta plater bakoitzeko elikagaia dastatzeko emango diogu.
• Ondoren dastatzaile bakoitzak honako fitxa bete beharko du:
• Zein elikagai da?
• Zelako zaporea du?
• Zeintzuk dira zapore horren ezaugarriak?
• Bestelakoak

Jetsi ezazu fitxa ariketa burutzeko