Talde-dinamika
Entzumenarekin jolasean. Talde-dinamika honetan entzumen-zentzumenak dauzkan mugez ohartzeko parada izango dugu.
- Adina. 8 urtetik aurrera.
- Lekua. Gelan bertan.
- Beharrezko materiala. Ezer ere ez.
- Antolakuntza. Ikaskideak binaka antolatuko dira.
- Jolasaren azalpena:
- Bi ikasle aurrez aurre kokatuko dira, bata bestearen aurrean.
- Bata igorlea eta bestea hartzailea izango da.
- Igorleak hitz bat esango du ahots normalez eta ondo ahoskatuta. Hartzaileak entzundako hitza errepikatu behar du. Ondo esaten badu biek pausu bat atzera egingo dute.
- Ikasle igorleak beste hitz bat esango du, beti ahots beraz eta tonu beraz.
- Horrela jarraituko dute igorleak huts egin arte edo gelako pareta ukitu arte.
- Arauak:
- Esaten diren hitzak beti tonu berean esan behar dira.
- Pausoz pauso
Ordenatu honako esaldi hauek entzumen-prozesuaren pausuak jarraituz:
- Entzumen-organoak seinale hori entzumen-nerbioen bidez informazioa garunera bideratzen du. (8)
- Ingudeak estribua jotzen du. (5)
- Hots horiek kanpo-entzunbideetatik pasatzen dira eta tinpanoa dardarka jartzen dute. (2)
- Tinpanoaren bibrazioa mailura transmititzen da. (3)
- Entzumen-organoak barraskiloan sortutako estimuluak jasotzen ditu. (7)
- Mailuak ingudea kolpatzen du. (4)
- Burmuinak iristen zaion informazioa interpretatzen du. (9)
- Estributik zehar barne-belarrira pasatzen da eta hor estimulu bat sortzen du barraskiloan. (6)
- Soinu-uhinak airean zehar belarri-pabiloia sartzen dira. (1)
Honako lizentzia hauek babestua: Creative Commons Attribution Non-commercial Share Alike 3.0 License